Па ўжо склаўшайся традыцыі кожны год выхаванцы нашай установыдашкольнай адукацыі развучваюць песні-калядкі, вершы, апранаюцца
ўбраннем жывёл , скамарохаў, казачных персанажаў і адпраўляюцца
калядаваць. Калядка - гэта маленькая песенька, у якой жадаюць дабра,
здароўя, багацця на ўвесь наступны год. Гаспадары ж таксама частуюць
гасцей і жадаюць моцнага здароўя.
Наша "Каляда" была насычана казачнай атмасферай, вясёлымі песнямі,
карагодамі каля елкі, забіяцкімі гульнямі. Свята не толькі прыносіць радасць
нашым выхаванцам, але і дае ім магчымасць дакрануцца да традыцый і
звычаяў беларускага народа, самім адчуць усё хараство народных святаў і
гулянняў. Дзеці вельмі любяць гэта вясёлае свята, актыўна прымаюць у ім
удзел: спяваюць калядкі, чытаюць дражнілкі і частуюцца смачнымі
прысмакамі.